Friday, November 7, 2008

My Birthday



Luckily, I was born on the day of the biggest number in one digit, and the month of double number one, those day and month are converted into the National Independent Day of Cambodia. It's not by chance, but God gave it to me. My year of birth is another Victory Day of Khmer on Khmer Rouge regime. This year, Cambodia will celebrate the biggest event on the commenmoration of the 55 Anniversary of National Independent Day.

Thursday, November 6, 2008

Barack Obama ប្រធានាធិបតីអាមេរិកទី​៤៤​​



តើ​លោក Barack OBAMA ជាអ្នកណា ?​​​ លោក Barak OBAMA កើតនៅថ្ងៃ៤សីហា​ឆ្នាំ ១៩៦១ ។ ឪពុក​មានដើមកំណើតមកពី ប្រទេស​ KENYA ទ្វីបអាហ្វ្រីក, ម្តាយជាជនជាតិ​អាមេរិក​​មកពីរដ្ឋ Kansas។នៅពេលលោក ចាប់ កំណើត​​ជាសមយ័កាលមួយដែល អាមេរិកនៅ ប្រកាន់ពូជសាសន៍​មិនអនុញ្ញាត្តិ​ឲ្យមានអពាហ៌ពីពាហ៌​រវាង​បណ្តាជន​សម្បុរ​ខ្មៅ​នឹងសឡើយ ។​ កាលពី កុមារភាព ជីដូននឹង មាតាជាអ្នក បីបាច់ថែរក្សាលោក ដោយ​​បញ្ជូន​ឲ្យទៅ​សិក្សា​​​នៅវិទ្យាល័យ នឹងសាកលវិទ្យាល័យដ៏ សំខាន់ៗ។ ​ បន្ទាប់ពីបានបំពេញ​មុខវិជ្ជា​ច្បាប់​នៅ​សាកលវិទ្យាលយ័ HAVARD។​ លោក OBAMA បាន​ទទួលមុខ​តំណែងជា​មេធាវី​នៅទីក្រុង CHICAGO ជាទី ដែល លោក បាន ស្គាល់ភរិយា របស់លោក។ គូស្វាមី OBAMAបង្កើត​បានបុត្រី២នាក់អាយុ១០នឹង​៧​ឆ្នាំ។ លោក Obama បាន ប្រឡូក ក្នុង ឆាក នយោបាយ ចាប់ពីឆ្នាំ ១៩៩៧ នៅ ពេល លោកជាប់​ឆ្នោតជាទីប្រឹក្សា សំរាប់សង្កាត់តោកយ៉ាកមួយ នៅទីក្រុង CHICAGO។ នៅឆ្នាំ ២០០៤ លោកបានជាប់ឆ្នោត សមាជឹក ព្រឹទ្ធសភាប្រចាំរដ្ឋ​ Illonis ហើយក៏ជា អ្នក នយោបាយ សម្បុរខ្មៅ លើកទី១ នៅព្រឹទ្ធសភាអាមេរិក ។ លោក ចាប់ មាន កេរ្ត៍ឈ្មោះ ល្បីនៅឆ្នាំ ២០០៤ ដោយ សារ លោកមាន វោហា ពូកែ និយាយ​នៅឳកាស យុទ្ធនាការ បោះឆ្នោត ប្រធានាធិបតី របស់លោក​John Kerry ។ បន្ទាប់​មក ជាជោគជ័យថ្មីមួយទៀត នៅ ពេល លោកសំរេច ចិត្តឈរ ឈ្មោះជា បេក្ខជន ប្រធានាធិបតី ប្រកួត ប្រជែង ជាមួយ​លោកស្រី Hilary Clintonដើម្បី តំណាងបក្ស ប្រជាធិបតេយ្យ ជាមួយគ្នា ។ នៅទី​បញ្ចប់​ដូច​ដែល គេ បាន ដឹង,លោក Barak Obamaថែមទាំងឈ្នះលោកស្រីHilary Clinton ថែម ទៀត ។ ​លោក Barak OBAMA​ បានចូលទៅក្នុង​ប្រវត្តិសាស្ត្រអាមេរិក ក្នុងនាមជាប្រធានាធិបតី​លើកទី១ដែល​មាន​សម្បុរខ្មៅ ។​ លោកនឹងចូលកាន់​មុខ​តំណែង​ថ្មីនៅសេតវិមាន នៅ​​ថ្ងៃ​២០​មករា​ឆ្នាំ​២០០៩​

បញ្ហាប្រឈមមុខជាច្រើនដែលត្រូវដោះស្រាយ​ៈ​ ការ​ស្តារ​ប្រជាប្រិយភាព​សហរដ្ឋ​អាមេរិក​ឡើង​វិញ​គឺ​ជា​ករណីយកិច្ច​មួយ​ដ៏​សំខាន់​របស់​ប្រធានាធិបតី Barack Obama នៅ​ពេល​លោក​ចាប់​កាន់​មុខ​តំណែង​ថ្មី​ជា​ពិសេស​ទាក់ទង​នយោបាយ​​ការបរទេស​​មាន​ជា​អាទ៌​សង្គ្រាម​នៅ Irak និង Afganistan ។ នៅ​ឳកាស​យុទ្ធនាការ​បោះ​ឆ្នោត ​លោក​ Barack Obama សន្យា​ថា​នឹងដក​ទាហាន​អាមេរិក​ចេញ​ឲ្យ​បាន​ទាំង​អស់ក្នុងរយះពេល​១៦​ខែ។ ​នេះ​ជា​កិច្ច​សន្យា​មួយ​ច្បាស់​ជា​ពិបាក​ដោះស្រាយ​ ពេល​ដែលគេ​ដឹង​ថា​ការ​ដក កង​កម្លាំង​អន្តរ​ជាតិ​ចេញ​ពី​​ប្រទេស​​មួយ​​ដែល​កំពុង​ឆ្លងកាត់​អំពើ​ហឹង្សា​ជា​ការ​មួយ​ពិបាក​អនុវត្តិ​ខ្លាំង​ណាស់។ ទាហានសហរដ្ឋអាមេរិក​បានឈរជើងមានរយះពេល ៦ឆ្នាំដែលមានទាហានស្លាប់ និងរបួសរាប់​ពាន់នាក់ រួមផ្សំជាមួយការ​ចំណាយថវិកាដ៏ច្រើនសន្ធឹកសន្ធាប់​។ និយាយជារួម​ សង្រ្គាមនៅសមភូមិ​ទាំងពីរប្រទេសនេះបាន​ធ្វើ​អោយសហរដ្ឋអាមេរិក​​ផុងខ្លួនយ៉ាង​​ជ្រៅនៅក្នុងវិបត្តិ​​​ដែលដកខ្លួនមិនរួច បាត់បង់នូវ​ប្រជា​ប្រិយភាពរបស់ខ្លួននៅ​លើឆាកអន្តរជាតិ។​ លើសពីនេះ គេអាចនិយាយ​បានថាជា​សង្រ្គាម​​ទី២​ដូចនៅ​វៀតណាមយ៉ាងដូច្នេះដែរ។​ ក្រៅ ពី​សង្គ្រាម​នៅ​ Irak និង Afganistan ​ប្រធានាធិបតី​ថ្មី​តំរូវ​​ដោះស្រាយ​វិបត្តិ​​នៅ​ក្រៅ​ប្រទេស​​មួយ​ចំនូន​ទៀត​ជា​ពីសេស​នៅ​តំបន់​ដើម បូព៌ា​ដែល​អាមេរិក​ដើរតួនាទី​ជា​អន្តរការី​សំខាន់ជាងគេ។​វិ បត្តិ​នៅ​ដើមបូព៌ា​ដែល​រហូត​មក​ទល់ពេលនេះ​អាមេរិក​អសមត្ថភាព​ដោះស្រាយ​នឹង​នៅរាំង​ស្ទះ​រហូត​មក​ទល់​ពេល​នេះ។​ ជា​វិបត្តិ​មួយ​​ដែល​ប្រធានាធិបតី​​ថ្មី​អាច​​​ចាប់​ផ្តើម​កិច្ច​ចរចា​ឡើងវិញ​ប៉ុន្តែ​​លុះត្រា​​តែ​ភាគី​ប៉ាឡេស្ទីន​សុខ​ចិត្ត​ដែរ​។ បញ្ហាសំខាន់ដែល​នៅលើរបៀបវារះយ៉ាងសំខាន់មួយ​ទៀតនោះគឺថា​តើ​អាមេរិក​ធ្វើ​ការ​វាយប្រហារ​ឫ​ទេ​ Iran ​ដែល​សហគមអន្តរជាតិ​ចោទ​ថា​មាន​អាវុធ​នុយ​ក្លេអ៊ែរ។​ បញ្ជាការដ្ឋាន​សមភូមិ​ប្រចាំការ​នៅ​ប្រទេស​ Irak ចោទប្រកាន់ប្រទេស​ Iran ជាប្រភពបង្ករ​អោយ​មានអស្ថេរ​ភាពតាមរយៈ​ការផ្គត់ផ្គង់សពា្វវុធ និង​ហិរញ្ញ​វត្ថុ។នៅក្នុង​សំណុំ​រឿងនេះ ប្រធានាធិបតី​ថ្មី​នឹងអាច​លើកយក​មក​ពីនិត្យឡើងវិញ។ វិបត្តិ​អាវុធ​នុយ​ក្លេអ៊ែរ​នៅកូរ៉េ​ខាងជើងគឺជាបញ្ហាសំខាន់នៅក្នុងកិច្ចចរចារ ៦ភាគីដែល​រួមមានៈ​សហរដ្ឋអាមេរិក រុស្សី ចិន ជប៉ុន កូរ៉េ​បងប្អូនទាំងពីរ។


ក្នុង​កំឡុង​យុទ្ធនាការ​ឃោសនា​បោះឆ្នោត លោក Barack Obama បានសន្យាការរៀបចំ​​កែ​លំអ​ប្រព័ន្ធ​ធានារ៉ាប់រង​សុខភាព​របស់​ពល​រដ្ឋ​អាមេរិក​​ដល់​ទៅ​ ៤៥លាននាក់ ដែល​គ្មាន​លទ្ធភាព​ទិញ​ធានារ៉ាប់រង​ពី​ក្រុមហ៊ុន​ឯកជន។ ការ​រៀប​ចំ​កែលំអ​ប្រព័ន្ធ​​​​​អប់រំ បង្កើន​ចំនួន​និង​ប្រាក់​បៀរវត្សរ៍​គ្រូបង្រៀន។ កាត់បន្ថយ​ពន្ធ​អាករ​​សម្រាប់​ពលរដ្ឋអាមេរិក​ដែល​មាន​ប្រាក់​ចំនូល​ទាបនិង​មធ្យម ដែល​មាន​ដល់​ទៅ ៩៥%​នៃ​ចំនួន​ប្រជាជន​សរុប​របស់​អាមេរិក។ ទាំងនេះ​ទាមទារ​នូវ​ការ​ចំនាយ​ថវិកា​ជាតិ​យ៉ាង​ច្រើន​សន្ធឹកសន្ធាប់ ក្នុង​ពេល​​​ដែល​បេឡាជាតិ​អាមេរិក​កំពុង​តែ​រីង​ហួតទៅៗ ហើយ​ថែម​ទាំង​ជាប់​បំណុល​គេ​ច្រើន​ទៀត​នោះ។ ឱនភាព​ថវិកាជាតិ​អាមេរិក​​បាន​កើន​ឡើង​រហូត​ដល់​ទៅ​​រាប់​សិប​​ម៉ឺន​លាន​ដុល្លា​​ក្នុង​មួយឆ្នាំៗ។ ពេលនេះ សេដ្ឋកិច្ច​របស់​សហរដ្ឋអាមេរិក​មិន​ត្រឹមតែ​មិនមាន​កំនើន​ទេ តែ​ថែមទាំងដើរថយក្រោយ​ទៀតផង។

ជាទូទៅគណបក្សប្រជាធិបតេយ្យ មាននិន្នាការដោយសង្កត់ធ្ងន់ទៅលើបញ្ហាសេដ្ឋកិច្ច និងការគោរពសិទ្ធ​មនុស្ស ។​​ ចិនគឺជា​​ទីផ្សារធំរបស់សហរដ្ឋអាមេរិក។ មហាអំណាចចាស់ និង​មហាសេដ្ឋកិច្ចថ្មីពិតជាត្រូវការគ្នា​ទៅវិញទៅមក។​ បន្ទាប់ពី​មហា​ភេវរ​​​កម្មនៅសហរដ្ឋអាមេរិក​ ថ្ងៃទី​ ១១ កញ្ញា​ ២០០១​ ការលើកយកបញ្ហា​ការគោរព​សិទ្ឋមនុស្ស​នៅចំពោះ​មុខ​​​ទីក្រុង​ប៉េកាំង​របស់ទីក្រុង​វ៉ាស៊ីនតោនហាក់បីដូចជាថយចុះ។​ថែមពីលើនេះទៀត​បញ្ហាទាមទារឯករាជ្យភាព​របស់កោះ​តៃវ៉ាន់។​ ប្រទេសចិនបានព្រមាន​ទុកជាមុនរួចមកហើយនឹងធ្វើការវាយ​លុកទៅលើកោះ​តៃវ៉ាន់​ប្រសិនបើប្រទេស​​នេះប្រកាស​ឯករាជ្យ។​ទីក្រុងវ៉ាស៊ីនតោន​ និងកោះតៃវ៉ាន់ជាដៃគូរសម្ព័នមិត្ត និងយុទ្ធសាស្រ្តទៀតផងតាមរយៈការចុះកិច្ចព្រមព្រៀងរវាង​ប្រទេស​ទាំងពីរ។​​ តាមការរំពឹងទុក​​ លោកប្រធានាធិបតីថ្មីរូបនេះត្រូវបន្តនូវគោលនយោបាយ​ការបរទេសនៅតំបនើអាស៊ីបន្ត​វេនពី​លោក BUSH។​ អាស៊ីជាដៃគូរយុទ្ធសាស្រ្តយ់ាងសំខាន់របស់អាមេរិកនៅក្នុងកិច្ចសហប្រតិបត្តិការលើគ្រប់វិស័យ ជា​ពិសេស​​​​​​​ការប្រយុទ្ធប្រឆាំងអំពើភេវកម្ម។ ដោយឡែកកិច្ចសហប្រតិបត្តិការរវាងកម្ពុជាជាមួយសហរដ្ឋ​អាមេរិក​ត្រូវបានពង្រឹងពង្រីកនៅលើគ្រប់វិស័យ ជាពិសេសផ្តោតយ៉ាងសំខាន់ទៅលើបញ្ហាសុខភាពសាធារណៈ ការពង្រឹងនីតិរដ្ឋ ការគោរពសិទ្ធមនុស្ស ការប្រយុទ្ប្របឆាំងអំពើភេវរកម្ម។